ផ្លូវការ! ស្ដេចអេស៊ីប Mo Salah ចាកចេញពីទឹកដីអង់គ្លេស ទៅចូលរួមជាមួយក្លឹបយក្សតួកគី Trabzonspor ក្រោយរួមរស់ជាមួយ Liverpool អស់រយៈពេល ៩ឆ្នាំ
ទីបំផុតអនាគតរបស់កំពូលខ្សែប្រយុទ្ធស្លាប Mohamed Salah ត្រូវបានលាតត្រដាងជាផ្លូវការហើយ បន្ទាប់ពីសម្រេចចិត្តចាកចេញពី Liverpool ដើម្បីទៅបន្តអាជីពថ្មីនៅទឹកដីប្រទេសតួកគីជាមួយក្លឹប Trabzonspor ដែលជាការបញ្ចប់នូវយុគសម័យដ៏រុងរឿងរបស់លោកនៅក្នុងក្របខ័ណ្ឌ Premier League និងត្រៀមខ្លួនសរសេរប្រវត្តិសាស្ត្រថ្មីនៅក្នុងលីគកំពូលរបស់តួកគី។ ក្លឹប Trabzonspor ដែលជាក្លឹបកំពូលមួយក្នុងលីគ Süper Lig របស់តួកគី បានប្រកាសជាផ្លូវការនៅថ្ងៃព្រហស្បតិ៍ ទី៦ ខែសីហានេះ អំពីការចុះហត្ថលេខាលើកិច្ចសន្យាជាមួយខ្សែប្រយុទ្ធឆ្នើមសញ្ជាតិអេស៊ីបរូបនេះ។ ការផ្ទេរនេះបានក្លាយជាព័ត៌មានដ៏ក្ដៅគគុកមួយក្នុងទីផ្សារដោះដូរកីឡាករ ខណៈដែលពិភពបាល់ទាត់ទាំងមូលកំពុងតាមដានយ៉ាងយកចិត្តទុកដាក់នូវជំហានបន្ទាប់របស់ Salah បន្ទាប់ពីមានពាក្យចចាមអារ៉ាមជាច្រើននាពេលកន្លងមក។ ការចាកចេញរបស់ Salah ពីកីឡដ្ឋាន Anfield គឺជាការបិទបញ្ចប់នូវកំណត់ត្រាដ៏អស្ចារ្យរយៈពេល ៩ឆ្នាំពេញជាមួយក្រុមហង្សក្រហម Liverpool។ ក្នុងអំឡុងពេលនោះ រូបគេបានក្លាយជាចំណែកមិនអាចខ្វះបានក្នុងការជួយក្រុមលើកពានរង្វាន់ធំៗជាច្រើន រួមទាំងពានរង្វាន់ Premier League និង UEFA…